ສສ ຫວຽດນາມ ສ້າງຕັ້ງກົມຕຳຫຼວດຮັກສາສັນຕິພາບ ຄັ້ງທຳອິດ
ວິທະຍຸກະຈາຍສຽງຫວຽດນາມ ລາຍງານວັນທີ 11 ມັງກອນ 2024 ນີ້ວ່າ: ທີ່ນະຄອນຫຼວງຮ່າໂນ້ຍ, ກະຊວງຕຳຫຼວດ ຫວຽດນາມ ໄດ້ມີ
ພິທີປະກາດຂໍ້ຕົກລົງສ້າງຕັ້ງ ແລະ ເປີດໂຕກົມຕຳຫຼວດຮັກ ສາສັນຕິພາບເລກ 1. ເຊິ່ງນີ້ແມ່ນຄັ້ງທຳອິດທີ່ ສສ ຫວຽດນາມ ສ້າງຕັ້ງກົມ ດັ່ງກ່າວ
ຂຶ້ນ ໂດຍໄດ້ຮັບການຊ່ວຍເຫຼືອຈາກສະຫະປະຊາຊາດ, ບັນດາປະເທດຄູ່ຮ່ວມມືຮັກສາສັນຕິພາບ, ບັນດາອົງການຈັດຕັ້ງສາກົນກະຊວງຕຳຫຼວດ
ຫວຽດນາມ ໄດ້ຈັດການເຝິກອົບຮົມ, ບຳລຸງກໍ່ສ້າງ, ເຝິກຊ້ອມຢູ່ພາຍໃນ ແລະ ຕ່າງປະເທດ ໃຫ້ນາຍຕຳຫຼວດປະຊາຊົນຫຼາຍກວ່າ 70 ເທື່ອຄົນ
ເພື່ອກະກຽມເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ.
ທ່ານ ເລືອງ ຕາມ ກວາງ ຮອງລັດຖະມົນຕີ ກະຊວງ ຕຳຫຼວດ ຫວຽດນາມ ກ່າວມີຄຳເຫັນໃນພິທີ ໂດຍໄດ້ເນັ້ນໜັກວ່າ: “ຂໍ້ຕົກລົງສ້າງກົມ
ຕຳຫຼວດ ຮັກສາສັນຕິພາບເລກ 1 ຂອງກະຊວງຕຳຫຼວດ ຫວຽດນາມ ໄດ້ສະແດງໃຫ້ເຫັນຄຳໝັ້ນສັນຍາຂອງພັກ, ລັດ, ກະຊວງຕຳຫຼວດ ຫວຽດ
ນາມ ທີ່ໝັ້ນຄົງ, ສືບຕໍ່ຕັ້ງໜ້າເຂົ້າຮ່ວມມີຄວາມຮັບຜິດຊອບໃນການຮັກສາສັນຕິພາບ, ສະຖຽນລະພາບ, ການພັດທະນາຢູ່ພາກພື້ນ ແລະ ສາກົນ.
ນີ້ແມ່ນບາດກ້າວໃໝ່, ພາຍຫຼັງໄດ້ຮັບຜົນສຳເລັດໃນເບື້ອງຕົ້ນກ່ຽວກັບການຈັດສົ່ງໜ່ວຍປະຕິບັດງານທຳອິດ, ເພື່ອປະກອບສ່ວນໜ້າທີ່ຄວາມຮັບ
ຜິດຊອບໃຫ້ຫຼາຍກວ່າເກົ່າ ໃນການຮັກສາສັນຕິພາບ, ຄວາມໝັ້ນຄົງສາກົນ, ພາກພື້ນ, ປົກປ້ອງບັນດາຫຼັກການພື້ນຖານຂອງສະຫະປະຊາຊາດ”.
ຈາກນັ້ນ ທ່ານ ຟາຍໂຊລ ຊາເກີ ( Faisal Shahkar), ຜູ້ບັນຊາການຕຳຫຼວດສະຫະປະຊາຊາດ ທີ່ຮັບຜິດຊອບກ່ຽວກັບວຽກງານການຮ່ວມ
ມືໃນຂົງເຂດຮັກສາສັນຕິພາບ ໄດ້ຢືນຢັນວ່າ: ເລື່ອງສ້າງຕັ້ງກົມຕຳຫຼວດຮັກສາສັນຕິພາບ ແມ່ນສິ່ງພິສູດໃຫ້ເຫັນບົດບາດ ແລະ ການປະກອບສ່ວນ
ທີ່ນັບມື້ນັບເພີ່ມຂຶ້ນຂອງ ສສ ຫວຽດນາມ ຕໍ່ສັນຕິພາບ, ຄວາມໝັ້ນຄົງຢູ່ພາກພື້ນ ແລະ ສາກົນ.
ແຫຼ່ງທີ່ມາ: ໜັງສືພິມກອງທັບ
ວັນທີ 15/01/2024